مانسہرہ۔ 20 اپریل (اے پی پی):مانسہرہ میں حالیہ طوفانی بارشوں کے دوران شاہراہ ریشم پر مختلف مقامات پر بند نالوں کو ہیوی مشینری کا استعمال کرتے ہوئے کھولنے کا کام جاری ہے۔ چیف سینٹری انسپکٹر محمد اقبال کی نگرانی میں مختلف بند نالوں کو کھول کر شاہراہ ریشم کو ٹریفک کیلئے بحال کر دیا گیا ہے۔ کام کی پراگرس دیکھنے کیلئے ٹی ایم او مانسہرہ مظہر مظفر بھی موقع پر موجود رہے جبکہ سپیکر صوبائی اسمبلی بابر سلیم سواتی کی جانب سے کمال سلیم سواتی بھی موقع پر پہنچے اور بہترین کارکردگی پر سپیکر خیبر پختونخوا اسمبلی کی جانب سے ٹی ایم او اور پوری ٹیم کی کارکردگی کو سراہا۔
