مانسہرہ پولیس کی کارروائی ، منشیات فروش گرفتار

مانسہرہ۔ 09 اپریل (اے پی پی):مانسہرہ پولیس نےکارروائی کے دوران منشیات فروش کوگرفتار کر کے 9 کلو سے زائد چرس برآمد کر لی۔ مانسہرہ پولیس کے مطابق ڈی پی او شفیع اللہ گنڈا پور کے احکامات پر ضلع بھر میں جرائم کے خاتمے کے لئے کارروائیوں کا سلسلہ جاری ہے۔

تھانہ سٹی پولیس کی ٹیم نے کارروائی کرتے ہوئے منشیات فروش تسلیم سے موقع پر 9 کلو 95 گرام چرس برآمد کر لی۔ گرفتار ملزم کے خلاف منشیات ایکٹ کے تحت مقدمہ درج کر کے تفتیش شروع کر دی گئی ہے۔

Short Link: https://urdu.app.com.pk/urdu/?p=579898