- Advertisement -
فیصل آباد۔ 10 اگست (اے پی پی):ماہرین زراعت نے کاشتکاروں کو پودینے کی کاشت رواں ماہ کے آخر میں شروع کر کے ستمبرکے آخر تک مکمل کرنے کی ہدایت کی ہے ۔جامعہ زرعیہ فیصل آباد کے ماہرین زراعت کے مطابق ایک ایکڑ رقبے پر پودینے کی کاشت کےلئے ایک لاکھ 75ہزار سے 2لاکھ تک پرانے پودوں کی ٹہنیاں اور جڑوں کے ٹکڑے درکار ہوتے ہیں۔
انہوں نے کہا کہ اگر پودینے کی کاشت کے فوراً بعدآبپاشی کر لی جائے تو اس کے بہترین نتائج حاصل کئے جا سکتے ہیں۔ انہوں نے بتایاکہ پودینہ کی کاشت کیلئے ایسی زمین کا انتخاب بھی ضروری ہے جو زرخیز اور پانی کا بہتر نکاس رکھتی ہو، جس کھیت میں پودینے کی کاشت مطلوب ہو اس میں سبز کھاد ڈالنے سے بھی فی ایکڑ بہترین فصل حاصل ہو سکتی ہے۔
- Advertisement -
Short Link: https://urdu.app.com.pk/urdu/?p=379261
- Advertisement -
