شیخوپورہ۔۔۔ 27 دسمبر (اے پی پی):شیخوپورہ کی بستی نئی آبادی آرائیاں والا میں شیطان صفت چار افراد نے گن پوائنٹ پر مرحوم پولیس ملازم کی بیوہ کے ساتھ گینگ ریپ کیا ۔رات کو ظلم کا شکار ہونے والی خاتون کا بیٹا نعمان فیکٹری میں ڈیوٹی پر گیا ہوا تھا۔ تھانہ سٹی اے ڈویژن پولیس نے زرینہ بی بی کی رپورٹ پر مقدمہ درج کر کے چار ملزمان علی رضا محمد حسن اور علی اشفاق وغیرہ کو گرفتار کر لیا ہے۔
جو نئی آبادی آرائیاں والا سے ملحقہ محلوں کے ہی رہائشی ہیں۔ بتایا گیا ہے کہ زرینہ بی بی کا خاوند کچھ عرصہ قبل فوت ہو گیا تھا۔ نماز فجر سے قبل چاروں ملزمان دیوار پھلانگ کر اس کے گھر میں داخل ہوئے اور اسے قتل کرنے کی دھمکی دے کر اجتماعی زیادتی کا نشانہ بنایا۔ جس کے بعد بیوہ زرینہ بی بی نے 15 پر کال کر کے پولیس کو بلایا اور ملزمان کی نشاندہی کی ۔
