متحدہ عرب امارات میں نجی شعبے کے ملازمین کے لیے عید الفطر کی تعطیلات کا اعلان

دبئی۔19مارچ (اے پی پی):متحدہ عرب امارات میں نجی شعبے کے ملازمین کے لیے عید الفطر کی تعطیلات کا اعلان کر دیا گیا ہے۔امارات نیوز ایجنسی وام کے مطابق وزارت انسانی وسائل و ایمریٹائزیشن کے اعلان کے مطابق عید الفطر کے موقع پر نجی شعبے کے تمام ملازمین کے لیے اتوار، 30 مارچ 2025 سے منگل، 1 اپریل 2025 تک تنخواہ کے ساتھ سرکاری تعطیلات ہوں گی۔وزارت نے مزید وضاحت کی کہ اگر رمضان المبارک 30 دن کا ہوا تو تعطیل میں ایک دن کا اضافہ کیا جائے گا، اور بدھ، 2 اپریل 2025 کو بھی چھٹی ہوگی۔

Short Link: https://urdu.app.com.pk/urdu/?p=574263