ابوظہبی ۔22نومبر (اے پی پی):متحدہ عرب امارات یونیورسٹی ،ٹائمز ہائر ایجوکیشن انٹر ڈسپلنری سائنس رینکنگ 2025 میں پہلے اور عالمی سطح پر 112ویں نمبر پر آ گئی ۔اماراتی نیو ز ایجنسی وام کے مطابق شمڈ سائنس فیلوز کی مرتب کردہ ٹائمز ہائر ایجوکیشن انٹر ڈسپلنری سائنس رینکنگ 2025 میں متحدہ عرب امارات یونیورسٹی پہلے نمبر آگئی ہے جبکہ عالمی سطح پر 112ویں نمبر پر بہترین یونیورسٹی قرار پائی ہے۔
یہ اولین درجہ بندی بین الضابطہ سائنس میں یونیورسٹیوں کے تعاون کا جائزہ لیتی ہے، جس سے تبدیلی کی تحقیق اور اختراع میں قائد کے طور پر یو اے ای یونیورسٹی کی پوزیشن کی تصدیق ہوتی ہے۔2025 بین الضابطہ سائنس کی درجہ بندی (آئی ایس آر ) میں 92 ممالک اور خطوں کی 749 یونیورسٹیاں شامل ہیں۔ یہ تین بنیادی شعبوں میں 11 باریک بینی سے ڈیزائن کردہ کارکردگی کے اشاریوں کا استعمال کرتے ہوئے اداروں کا جائزہ لیتا ہے، جو تحقیقی منصوبوں کے مکمل لائف سائیکل کی نمائندگی کرتے ہیں جیسے کہ ان پٹ (فنڈنگ)، عمل (انفراسٹرکچر اور سپورٹ)، اور آؤٹ پٹس (تحقیق اور شہرت) وغیرہ ۔یو اے ای یونیورسٹی کے قائم مقام وائس چانسلر پروفیسر احمد علی الریسی نے کہا کہ عالمی سطح پر 112ویں پوزیشن حاصل کرنا اور یو اے ای کی قیادت کرنا یو اے ای یونیورسٹی کی بین الضابطہ تحقیق کو فروغ دینے کے عزم کا ثبوت ہے جو کہ عالمی چیلنجوں سے نمٹنے کے لیے ہے
Short Link: https://urdu.app.com.pk/urdu/?p=528218
