اسلام آباد۔31جنوری (اے پی پی):وفاقی وزیرداخلہ محسن نقوی نے خیبرپختونخوا کے مختلف علاقوں میں خوارجی دہشت گردوں کے خلاف کامیاب آپریشنز پر سکیورٹی فورسز کو خراج تحسین پیش کیا ہے۔ جمعہ کو اپنے بیان میں وزیر داخلہ محسن نقوی نے کہا کہ پاکستان کی بہادر سکیورٹی فورسز نے ایک بار پھر کامیاب آپریشنز کرکے خوارجی دہشت گردوں کے ناپاک عزائم کو خاک میں ملایا۔ سکیورٹی فورسز نے بروقت آپریشنز کرکے 10 خوارجی دہشت گردوں کو عبرتناک انجام تک پہنچایا ۔
محسن نقوی نے 10 خوارجی دہشت گردوں کو جہنم واصل کرنے پر سکیورٹی فورسز کو شاباش دی۔ انہوں نے کہا کہ خیبرپختونخوا میں قیام امن کیلئے سکیورٹی فورسز کے اقدامات لائق تحسین ہیں،خوارجی دہشت گردوں دھرتی کا بوجھ ہیں اور قوم کی حمایت سے ان کا مکمل خاتمہ کریں گے، قوم دہشت گردی کے خلاف جنگ میں سکیورٹی فورسز کے شانہ بشانہ کھڑی ہے، سکیورٹی فورسز نے خوارجی دہشت گردوں کے خلاف نمایاں کامیابیاں سمیٹی ہیں۔
Short Link: https://urdu.app.com.pk/urdu/?p=554438
