سمبڑیال۔ 19 مارچ (اے پی پی):اسسٹنٹ ڈائریکٹرمحکمہ زراعت (توسیع) سمبڑیال ڈاکٹر افتخار احمد وڑائچ نے کہا ہے کہ کاشتکاركریلا کی کاشت مارچ میں مکمل کرلیں۔ان خیالات کا اظہار انہوں نے کاشتکاروں کے نام اپنے پیغام میں کیا۔ انہوں نے کہا کہ كریلا کی کاشت فروری اور مارچ کے مہینوں میں كی جاتی ہے، ضروری ہے کہ کاشتکار مارچ میں كریلا کی کاشت کو مکمل کرلیں تاکہ زیادہ پیداوار حاصل کی جاسکے۔
انہوں نے کہا کہ سبزیوں کی بروقت کاشت سے کاشتکار زیادہ منافع کمانے میں کامیاب ہوسکتے ہیں اور ان کی بیماریوں سے بچا جاسکتا ہے۔ انہوں نے کہا کہ كریلا فروری سے جولائی تک کی سبزی ہے جس سے کم وقت میں زیادہ منافع حاصل کیا جاسکتا ہے۔ انہوں نے کہا کہ كریلا ریتلی میرا زمین میں کاشت کیا جاسکتا ہے اور2.5 کلو گرام فی ایکڑ بیج درکار ہوتا ہے۔
انہوں نے کہا کہ اچھی پیداوار کیلئے 10 سے 15 ٹرالی دیسی کھاد کا استعمال کرنا ضروری ہے، تین گوڈیاں اور 10 سے 12 بار آبپاشی کی جانی ضروری ہے۔انہوں نے کہا کہ اگیتی فصل کو اپریل تا جون اور پچھیتی کاشت کو اگست تا اکتوبر تک برداشت کیا جاتا ہے۔
Short Link: https://urdu.app.com.pk/urdu/?p=574085
