فیصل آباد۔ 02 اکتوبر (اے پی پی):ریسرچ انفارمیشن یونٹ ایوب زرعی تحقیقاتی ادارہ فیصل آبادکے زرعی ماہرین نے کاشتکاروں کو مسور کی ترقی دادہ اقسام کی کاشت فوری طور پر شروع کرنے کی ہدایت کی ہے اور کہا ہے کہ راولپنڈی، جہلم، چکوال، گجرات، سیالکوٹ، بہاولپور، مظفر گڑھ، ڈی جی خان کے اضلاع میں مسور کی منظور شدہ ترقی دادہ اقسام مسور 85، مسور 95، لوکل مسور،مانسہرہ89 وغیرہ کی کاشت سے بہترین پیداوار حاصل کی جا سکتی ہے۔
انہوں نے بتایاکہ مذکورہ علاقوں میں کاشت کا عمل یکم اکتوبر سے شروع کر کے 15نومبر تک اور آبپاش علاقوں میں 15اکتوبر سے شروع کر کے 15نومبر تک مکمل کیا جا سکتاہے۔ انہوں نے بتایاکہ مسور 85کی کاشت کیلئے 8کلوگرام بیج فی ایکڑ، مسور95، لوکل مسورکیلئے 8کلوگرام فی ایکڑ جبکہ مانسہرہ 89کیلئے 12کلوگرا م فی ایکڑ بیج ڈالنا مفید ثابت ہوسکتا ہے اور اس سے بہترین پیداوار بھی یقینی ہو سکتی ہے۔
Short Link: https://urdu.app.com.pk/urdu/?p=507611
