محکمہ زراعت کی کاشتکاروں کوپیاز کی پنیری کی کاشت فوری مکمل کرنے کی ہدایت

فیصل آباد ۔ 16 اگست (اے پی پی):پیاز کے کاشتکار وں کو ہدایت کی گئی ہے کہ وہ پیاز کی پنیری کی کاشت فوری مکمل کر لیں اور بہتر پیداوار کیلئے پھلکارا اور ڈارک ریڈ اقسام کو ترجیح دی جائے جبکہ پیاز کی پنیری کی کاشت کیلئے ایسی زمین کاانتخاب کیا جائے جس میں پانی جذب کرنے کی بھر پور صلاحیت موجود ہو۔ڈپٹی ڈائریکٹر محکمہ زراعت توسیع خالد اقبال نے کہاکہ پنیری کی کاشت سے قبل گوبر کی گلی سڑی کھاد ایک من فی مرلہ کے حساب سے ڈال کر اسے زمین میں اچھی طرح ملانے کے بعد آبپاشی سے بہتر نتائج حاصل کئے جاسکتے ہیں۔

انہوں نے کہاکہ شرح بیج فی ایکڑ 3 سے4 کلوگرام رکھی جائے۔ انہوں نے کہاکہ اس ضمن میں مزید رہنمائی کیلئے ماہرین زراعت یا محکمہ زراعت کے فیلڈ سٹاف سے بھی رابطہ کیاجاسکتاہے۔