راولپنڈی۔7مئی (اے پی پی):چیف آفیسر محکمہ شہری دفاع ضلع راولپنڈی طالب حسین نے کہا ہے کہ پاک بھارت کشیدہ صورتحال اور ممکنہ جنگ کے پیش نظر محکمہ سول ڈیفنس نے تمام حفاظتی انتظامات مکمل کر کے رضا کاروں کی عملی تربیت شروع کر دی ہے ۔بدھ کو اپنے بیان میں طالب حسین نے کہا کہ ضلع راولپنڈی و ملحقہ تحصیلوں میں 38 وارننگ پوسٹیں قائم کی گئی ہیں جبکہ 16 مقامات پر سائرن بھی فعال کر دیئے گئے
اور پہلی بار خواتین رضا کاروں کی بھی جنگی و ریسکیو تربیت شروع ہے۔انہوں نے بتایا کہ راولپنڈی ضلع میں 3500 رضا کاروں کی جنگی و ریسکیو عملی تربیت شروع کر دی ہے،تربیتی مشقیں تھانہ کینٹ کے احاطہ، مشن سکول راجہ بازار اور سول ڈیفنس ہیڈ آفس میں کی جا رہی ہیں ،ڈینیز ہائیر سیکنڈری سکول میں بھی جنگی و ریسکیو تربیت کا آغاز 24 گھنٹوں میں ہو جائیگا۔
Short Link: https://urdu.app.com.pk/urdu/?p=594183
