محکمہ سکول ایجوکیشن پنجاب کا سموگ کے پیش نظر مختلف اضلاع میں7 نومبر سے تعلیمی ادارے بند کرنے کا نوٹیفکیشن جاری

لاہور۔6نومبر (اے پی پی):محکمہ سکول ایجوکیشن پنجاب نے سموگ کے پیش نظر مختلف اضلاع میں تعلیمی ادارے بند کرنے کے احکامات جاری کر دیئے۔ترجمان کے مطابق سکولز بند رہنے کے فیصلے کا اطلاق 7 سے 17 نومبر تک ہوگا،اس حوالے سے باقاعدہ نوٹیفکیشن جاری کر دیا گیا ہے۔ نجی و سرکاری تعلیمی ادارے بارہویں جماعت،اے لیولز تک بند رہیں گے،

تمام تعلیمی ادارے آن لائن کلاسز پر منتقل ہوں گے۔ نوٹیفیکشن فیصلے کا اطلاق لاہور، شیخوپورہ، قصور، ننکانہ صاحب پر ہوگا جبکہ گوجرانوالہ، گجرات، حافظہ آباد، منڈی بہاوالدین، سیالکوٹ، نارووال میں بھی اسکولز بند رہیں گے۔ اسی طرح فیصل آباد، چنیوٹ، جھنگ، ٹوبہ ٹیک سنگھ، ملتان، لودھران، وہاڑی اور خانیوال میں بھی اسکولز بند رہیں گے۔