رحیم یارخان ۔ 03 ستمبر (اے پی پی):محکمہ لائیوسٹاک رحیم یارخان اور پنجاب فوڈ اتھارٹی نے مشترکہ کارروائی , دستگیر کالونی میں غیر قانونی مذبحہ خانہ پکڑا گیا ،بھاری مقداد میں ذبح اور فریز شدہ غیر معیاری گوشت پکڑا گیا ،
فریزر میں منجمد گوشت میں کیڑے بھی پائے گئے،مقدمہ درج قصاب گرفتار کر لیا گیا ذرائع کے مطابق محکمہ لائیوسٹاک رحیم یار خان اور پنجاب فوڈ اتھارٹی نے مشترکہ کاروائی کرتے ہوئے رحیم یار خان شہر میں واقع دستگیر کالونی میں غیر قانونی ذبح خانہ چیک کیا تو ویٹرنری آفیسر نے 1050 کلو گرام کے قریب ذبحہ شدہ گوشت کو بیمار، ناقص اور انسانی استعمال کے لیے غیر موزوں قرار دیا۔
یہاں فریزر میں سٹور کئے گئے گوشت میں کیڑے بھی پائے گئے۔ پنجاب فوڈ اتھارٹی کی ٹیم نے برآمد ہونے والے گوشت کو موقع پر دوائی ڈال کر تلف کر دیا ، ایف آئی آر درج کر کے ملزم کو موقع پر گرفتار کر کے پولیس کے حوالے کر دیا گیا۔
