لاہور۔29مارچ (اے پی پی):محکمہ لائیو سٹاک نے لمپی سکن ڈیزیز کے حوالے سے الرٹ جاری کر دیا۔مویشی پال حضرات کے لیے جلد کی متعدی بیماری جسے لمپی سکن ڈیزیز کہا جاتا ہے کے حوالے سے الرٹ جاری کیا گیاہے۔ ڈائریکٹر جنرل ریسرچ لائیو سٹاک پنجاب کے دفتر کی طرف سے صوبہ سندھ میں مورو اور نشورو فروز میں لمپی سکن ڈیزیز کے حالیہ کیسز کے پیش نظر لمپی سکن ڈیزیز الرٹ جاری کیا گیا ہے۔ یہ الرٹ مویشی پال حضرات کولمپی سکن ڈیزیز کے بارے میں خبردار کرتا ہے، تا ہم پنجاب میں ابھی تک ایک کیس بھی رپورٹ نہیں ہوا۔ لمپی سکن ڈیزیز مویشیوں کو متاثر کرنے والی ایک انتہائی متعدی وائرس سے پھیلنے والی بیماری ہے۔ یہ بیماری مچھروں، مکھیوں کے کاٹنے کے ساتھ ساتھ متاثرہ جانوروں سے براہ راست رابطے کے ذریعے بھی پھیلتی ہے۔
ایل ایس ڈی کی علامات میں جلد کے نوڈول جلد اور ابھرے ہوئے گھاو، تیز بخار، اکثر 41ڈگری سینٹی گریڈ تک پہنچ جاتا ہے ، دودھ کی پیداوار میں کمی، سوجے ہوئے لمف نوڈ اور اسقاط حمل اور بانجھ پن شامل ہے۔ محکمہ لائیو سٹاک نے یہ الرٹ احتیاطی حوالے سے مویشی پال حضرات کو اگاہ کرنے کے لیے جاری کیا ہے تاہم پنجاب بھر میں ابھی ایک کیس بھی رپورٹ نہیں ہوا اس حوالے سے سیکرٹری لائیو سٹاک کا کہنا ہے کہ محکمہ لائیو سٹاک پنجاب اس بیماری سے نمٹنے کے لیے بالکل تیار ہے
انہوں نے کہا کہ ہم نے صوبہ بھر میں انٹر پروونشل چیک پوسٹس قائم کر دی ہیں تاکہ کوئی بھی انفیکٹڈ جانور پنجاب میں داخل نہ ہو اس کے علاوہ چیچڑوں اور مکھیوں کو کنٹرول کرنے کے لیے ان چیک پوسٹ پر سپرے بھی کیا جائے گا۔ انہوں نے مزید کہا کہ محکمہ لائیو سٹاک نے لمپی سکن ڈیزیز کی پہلی لوکل ویکسین تیار کر لی ہے اور محکمہ لائیو سٹاک اس بیماری پر قابو پانے کی مکمل صلاحیت رکھتا ہے اور ہر طرح کے حالات کے لیے تیار ہے۔ اس حوالے سے ڈائریکٹر جنرل ریسرچ ڈاکٹر سجاد حسین کا کہنا ہے کہ موشی پال حضرات کو بھی احتیاطی تدابیر پر عمل کرنا ہوگا جن میں اپنے باڑے کو مکھیوں اور مچھروں سے پاک رکھنا اور مکمل بائیو سکیورٹی کے انتظامات کو یقینی بنانا شامل ہے۔
اس بیماری کے اہم معاشی مضمرات ہیں، جس سے دودھ کی پیداوار کم ہو جاتی ہے۔ ان اثرات کو کم کرنے کے لیے، مویشی پال حضرات کو مشورہ دیا جاتا ہے کہ وہ اپنے باڑوں میں حفظان صحت کو برقرار رکھیں، علامات کی نگرانی کریں، اور بیماری انے کی صورت میں محکمہ لائیو سٹاک کے اے ڈی ڈی ار ایس ایپ سسٹم کے ذریعے آن لائن بیماری کی اطلاع دیں۔
Short Link: https://urdu.app.com.pk/urdu/?p=577285
