راولپنڈی۔12ستمبر (اے پی پی):ضلعی انتظامیہ نے حکومتی احکامات کے بعد چینی ذخیرہ اندوزوں کے خلاف کارروائیاں تیز کر دی ہیں۔ ضلعی انتظامیہ راولپنڈی کی خصوصی ہدایات پر مری میں چینی ذخیرہ اندوزوں کے خلاف بڑی کارروائی کی گئی۔ اسٹنٹ کمشنر مری کامران صغیر نے فوڈ اہلکاروں اور پولیس کے ہمراہ موچی منڈی مری میں ایک بڑے چینی گودام پر چھاپہ مارا، گودام میں چینی کی بڑی کھیپ پکڑی گئی،
گودام سٹاک رجسٹرڈ نہ ہونے کے باعث گودام کو سیل کر دیا گیا ہے، گودام تنگ گلیوں میں ہونے باعث انتظامیہ کی نظروں سے اوجھل تھا، انتظامیہ نے خفیہ اطلاع پر چھاپہ مارا ۔ اسسٹنٹ کمشنر مری کا کہنا تھا کہ چینی ذخیرہ اندوزوں کے خلاف سخت کارروائی جاری ہے کسی کو ذخیرہ اندوزی کی اجازت نہیں دی جائے گی۔ ان کا کہنا تھا کہ ذخیرہ اندوزی کرنا عوام دشمنی کے مترادف ہے۔
Short Link: https://urdu.app.com.pk/urdu/?p=389722
