مری ۔ 03 اپریل (اے پی پی):عید الفطر کی تعطیلات کے دوران سیاحوں کی 75 ہزار سے زیادہ گاڑیاں مری میں داخل ہوئیں ۔ اس دوران ہزاروں کی تعدادمیں سیاحوں نے ملکہ کوہسار مری کارخ کیا ۔عید کے موقع پر سی ٹی او مغیث احمد ہاشمی اور ڈی ایس پی ٹریفک مری ابرار سرور قریشی اور دیگر افسران شاہراہوں پر ٹریفک کو بلا رکاوٹ رواں دواں رکھنے کے لئے خود مری میں موجود رہے ۔
ملکہ کوہسار مری میں سیاحوں کی سہولت اورٹریفک کی روانی کو بلا رکاوٹ برقرار رکھنے کیلئے ٹریفک پولیس کے 200 سے زیادہ افسروں اورجوانوں نے ڈیوٹی سر انجام دی، چیف ٹریفک آفیسر مغیث ہاشمی عید الفطر کے دوران مری میں سیاحوں کی 75 ہزار سے زاہد گاڑیاں داخل ہوئیں ۔
مری کے افسرانوں و جوانوں نے بہترین حکمت عملی اور ٹریفک پلان پر عملدر آمد کروانے کی بدولت کسی قسم کا ناخوشگوار واقعہ پیش نہیں آیا ، مری ٹریفک پولیس نےفرائض کی ادائیگی کے دوران 14 ہزار 860 سے زائد سیاحوں کی مختلف طریقوں سے رہنمائی اور مدد کی گئی ۔
سیاحوں میں تقریباً تیس ہزار سے زائد آگاہی و سیفٹی پمفلٹس بھی تقسیم کیے گئے جس سے سیاحوں نے بھرپور رہنمائی حاصل کی۔ رمضان اور عید الفطر کے دنوں میں ٹریفک پولیس کے افسروں اورجوانوں نے اپنے پیاروں سے دور رہ کر معمول کی ڈیوٹی سے بڑھ کر اپنے پیشہ ورانہ فرائض انتہائی خوش اسلوبی اور احسن طریقے سے سر انجام دیے ۔ سی ٹی او مری نے احسن طریقے سے ڈیوٹی سر انجام دینے پر ٹریفک وارڈنز و دیگر سٹاف کو تعریفی سرٹیفکیٹ دینے کا اعلان کیا۔
Short Link: https://urdu.app.com.pk/urdu/?p=578075
