اسلام آباد۔22مئی (اے پی پی):قومی اسمبلی سیکرٹریٹ نے 1977 کے عام انتخابات سے اب تک مسلسل کامیاب ہونے والے رکن قومی اسمبلی انوارالحق چودھری کو اعلیٰ پارلیمانی خدمات اورسینئر ترین پارلیمنٹرین قرار دیا ہے۔ جمعرات کو قومی اسمبلی سیکرٹریٹ کی جانب سے اسپیکر قومی اسمبلی کی ہدایت پر ایک باضابطہ خط جاری کیا گیا جس میں انوار الحق چودھری کو ایک ممتاز اور سینئر ترین پارلیمنٹرین قرار دیا گیا ہے ۔
یہ اعزاز اُن کی 1977 کے تاریخی عام انتخابات سے لے کر اب تک قومی اور صوبائی اسمبلیوں میں مسلسل اور باوقار خدمات کا عملی اعتراف ہے۔ انوار الحق چودھری صاحب نہ صرف پاکستان کی جمہوری اقدار کے امین ہیں بلکہ اُن کی قانون سازی، عوامی خدمت اور پارلیمانی روایات سے وابستگی دہائیوں پر محیط ہے۔یہ خط ڈپٹی سیکریٹری قانون سازی محمد غیاث کی جانب سے جاری کیا گیا ہے
اور اسے قومی اسمبلی کے قانون سازی کے مشیر اوراسپیشل سیکریٹری محمد مشتاق نے بطورِ خاص انوار الحق چودھری پارلیمانی سیکرٹری برائے کشمیر و گلگت بلتستان کو پیش کیا۔
Short Link: https://urdu.app.com.pk/urdu/?p=600414
