اسلام آباد۔16جون (اے پی پی): پاکستان مسلم لیگ (ن) کی جنرل کونسل کا اہم اجلاس آج (جمعہ) کو اسلام آباد میں ہوگا۔ مسلم لیگ (ن) کی ترجمان مریم اورنگزیب نے اپنے ٹویٹ میں بتایا کہ اجلاس مسلم لیگ (ن) کے مرکزی سیکرٹریٹ چک شہزاد میں دوپہر اڑھائی بجے ہوگا۔
اجلاس کی صدارت مسلم لیگ (ن) کے قائد محمد نواز شریف اور پارٹی کے صدر محمد شہباز شریف کریں گے۔ اجلاس میں مریم نواز اور حمزہ شہباز بھی شریک ہوں گے۔ اجلاس میں پارٹی کی مرکزی قیادت، عہدیدار اور رہنما شرکت کریں گے۔ اجلاس میں انٹرا پارٹی الیکشن ہوں گے۔
