اسلام آباد ۔ 6 اگست (اے پی پی) وفاقی وزیر برائے منصوبہ بندی ترقی واصلاحات وخصوصی اقدامات اسدعمر نے کہا ہے کہ مشترکہ مفادات کونسل نے حکومت کی متبادل اور قابل تجدید توانائی پالیسی کی منظوری دے دی ہے، نئی پالیسی انشاءاللہ پاکستان کی قابل تجدید صلاحیتوں کو بروئے کار لانے میں معاون ثابت ہو گی۔ جمعرات کو اپنے ٹویٹ میں انہوں نے کہا کہ پی ٹی آئی حکومت نے ہائیڈل وسائل کی تاریخی ترقی شروع کرنے کے بعد قابل تجدید توانائی کی ترقی کے حوالے سے اقدامات شروع کر دیئے ہیں۔
