اسلام آباد ۔ 4 دسمبر (اے پی پی) وزیر اعظم محمد نواز شریف کے مشیر خارجہ سرتاج عزیز نے بھارت میںافغان صدر اشرف غنی سے ملاقات میں افغانستان کے استحکام کے حوالے سے بات چیت کی ہے۔نجی ٹی وی چینل کے مطابق بھارت کے شہر امر تسر میں ہارٹ آف ایشیاءکانفرنس کی سائیڈ لائن پر مشیر خارجہ سرتاج عزیز اور افغان صدر کے دوران ہونے والی ملاقات میںدوطرفہ باہمی تعلقات سمیت خطے میں پائیدار امن، افغانستان کے استحکام اور ترقی کے حوالے سے بات چیت کی گئی۔اس موقع پر سرتاج عزیز نے کہا کہ پاکستان افغانستان میں امن کو اہمیت دیتا ہے کیونکہ پر امن افغانستان خطے کے لیے بہت ضروری ہے۔
