قاہرہ ۔9جولائی (اے پی پی):مصر میں ٹیلی کام سینٹر میں آتشزدگی کے باعث 4 افراد جاں بحق ہوگئے ۔اردو نیوز کے مطابق مصر میں وزارت صحت کا کہنا ہے کہ دارالحکومت قاہرہ کے ایک بڑے ٹیلی کام سینٹر میں آتشزدگی سے کم ازکم چار افراد ہلاک اور 27 زخمی ہوگئے۔ مصر کے سٹاک ایکسچینج میں کام معطل ہونے کی اطلاعات ہیں۔
قاہرہ میں انٹرنیٹ اور فون کے رابطے متاثر ہوئے ہیں۔ قاہرہ میں پروازوں کی آمد ورفت بھی متاثر ہوئی تاہم بعد ازاں سول ایوی ایشن کی وزارت نے کہا تمام پروازیں بحال ہوگئی ہیں۔قاہرہ کے گورنرابراہیم صابر نے پیرکو گیس اور بجلی کی بندش کے بارے میں بتایا تھا۔
وزارت صحت کے ایک بیان میں کہا گیا کہ شہری دفاع کے اہلکاروں نے عمارت سے چار نعشیں نکالی ہیں۔حکام نے ابھی تک آگ لگنے کی وجہ نہیں بتائی اور نہ ہی زخمیوں کے حوالے سے کوئی معلومات دی ہیں۔
