اسلام آباد۔30جولائی (اے پی پی):وزیرِ اعظم کے معاونِ خصوصی برائے صنعت و پیداوار، ہارون اختر خان نے بدھ کو پاکستان بزنس کونسل کے چیف ایگزیکٹو آفیسر جناب جاوید قریشی سے ملاقات کی۔ملاقات میں پاکستان کی آئندہ صنعتی پالیسی کے کلیدی نکات اور اہم تجاویز پر تفصیلی تبادلہ خیال کیا گیا۔ہارون اختر خان نے معیشت کی ترقی کے لیے جدید صنعتی پالیسی کی فوری ضرورت پر زور دیتے ہوئے کہا کہ …
معاونِ خصوصی ہارون اختر خان سے پاکستان بزنس کونسل کے سی ای او جاوید قریشی کی ملاقات
اسلام آباد۔30جولائی (اے پی پی):وزیرِ اعظم کے معاونِ خصوصی برائے صنعت و پیداوار، ہارون اختر خان نے بدھ کو پاکستان بزنس کونسل کے چیف ایگزیکٹو آفیسر جناب جاوید قریشی سے ملاقات کی۔ملاقات میں پاکستان کی آئندہ صنعتی پالیسی کے کلیدی نکات اور اہم تجاویز پر تفصیلی تبادلہ خیال کیا گیا۔ہارون اختر خان نے معیشت کی ترقی کے لیے جدید صنعتی پالیسی کی فوری ضرورت پر زور دیتے ہوئے کہا کہ صنعتی ترقی وقت کی اہم ضرورت ہے اور وزیرِ اعظم شہباز شریف پاکستان میں صنعتی انقلاب کا وژن رکھتے ہیں۔
انہوں نے مزید کہا کہ پاکستان کو ایسی صنعتی پالیسی کی ضرورت ہے جو ملکی معیشت کو مضبوط بنائے، روزگار کے مواقع پیدا کرے اور سرمایہ کاری کو فروغ دے۔ جاوید قریشی نے مستقبل کی سوچ پر مبنی صنعتی پالیسی کی تیاری میں ہارون اختر خان کی کاوشوں کو سراہا اور یقین دہانی کرائی کہ پاکستان بزنس کونسل اس پالیسی کی منظوری اور نفاذ میں بھرپور تعاون فراہم کرے گی۔یہ ملاقات پاکستان کے صنعتی شعبے کی بحالی کے لیے مشترکہ پالیسی سازی کی جانب ایک اہم پیش رفت ثابت ہوئی۔
