اسلام آباد ۔ 25 جون (اے پی پی)وزیراعظم کے معاون خصوصی برائے صحت ڈاکٹر ظفر مرزا نے عالمی ادارہ صحت کے ریجنل ڈائریکٹر ڈاکٹر احمد ال مندھاری سے ویڈیو کانفرنس کے ذریعے ملاقات کی۔ وزارت صحت کی جانب سے جاری بیان کے مطابق ملاقات میں کورونا وائرس کے حوالے سے پاکستان کے اقدامات اور ڈبلیو ایچ او کی ممکنہ معاونت پر تبادلہ خیال کیا گیا۔ ڈاکٹر ظفر مرزا نے کہا کہ م±لک میں ہیلتھ کئیر ایشو پر سیاسی توجہ بغیر کسی تعطل کے مرکوز رہی، وزیراعظم عمران خان کی جانب سے تمام وزرائے اعلی کی موجودگی میں این سی سی اجلاس کی صدارت کی۔ روزانہ کی بنیاد پر کورونا کے تمام پہلوو¿ں جائزہ لینے کے لئے ماہرین پر مشتمل مارچ میں این سی او سی کا قیام عمل میں لایا گیا۔ انہوں نے کہا کہ پاکستان کورونا وائرس سے مضبوط و مربوط نیشنل ریسپانس کی مدد سے نمٹ رہا ہے، پاکستان 25 فیصد آبادی کو مالی مشکلات کے باعث جنرل لاک ڈاو¿ن کی نسبت سمارٹ لاک ڈاو¿ن کی طرف گیا، اس وقت م±لک بھر میں 543 مقامات پر سمارٹ لاک ڈاو¿ن کا نفاذ کیا گیا ہے۔ انہوں نے کہا کہ اس حوالے سے 35 ایس او پیز ڈیزائن کیے گئے ہیں اور لوگوں کو آگاہی دی جارہی ہے، ایس او پیز کی خلاف ورزیوں پر سخت کارروائیاں عمل میں لائی جارہی ہے۔ ڈاکٹر ظفر مرزا کی جانب سے عید الاضحی کے حوالے سے ہیلتھ گائیڈ لائنز پر خصوصی بریفنگ دی گئی۔ ڈاکٹر ظفر مرزا نے اس حوالے سے ریجنل ڈائریکٹر ڈبلیو ایچ او سے گائیڈ لائنز میں اعانت فراہم کرنے کی درخواست کی۔ اجلاس میں نیشنل ایمرجنسی آپریشن سینٹر کے سربراہ کی جانب سے کووڈ19 کے حوالے سے نیشنل ایکشن پلان پر تفصیلی بریفنگ دی گئی۔ ڈاکٹر احمد ال مندھاری نے ڈبلیو ایچ او ایمرو ریجن میں سب سے بڑے م±لک پاکستان کی کورونا سے نمٹنے کے لیے کاوشوں کو سراہا۔ ریجنل ڈائریکٹر ڈبلیو ایچ او نے اس حوالے سے تمام قسم کی سپورٹ کی یقین دہانی کرائی ہے۔
