اسلام آباد ۔ 11 ستمبر (اے پی پی) وزیراعظم کے معاون خصوصی برائے سمندر پارپاکستانیز سیّد ذوالفقار بخاری سے جاز کیش کے چیف ایگزیکٹو آفیسر ایرون گیلبارٹ اور عارف محمد چوہدری نے ملاقات کی ہے ۔ سماجی رابطہ کی ویب سائٹ ٹویٹر پر اپنے ایک پیغام میں زلفی بخاری نے جاز کیش کے سربراہ کو پاکستان میں خوش آمد کہتے ہوئے کہا کہ ان کے ساتھ ملاقات خوشگوار رہی اور وہ مستقبل میںجاز کیش کے ساتھ اشتراک کے حوالے سے پرامید ہیں۔ زلفی بخاری نے کہا کہ وزارت اوورسیز کے پاس سروس ڈیلیوری کا بہت بڑا انفراسٹرکچر ہے اور ڈیجیٹل ادائیگی ہمارے تمام ڈیجیٹلائزیشن اقدامات کے لئے کلیدی حیثیت رکھتی ہے ۔
