فیصل آباد۔ 01 اکتوبر (اے پی پی):نظامت زرعی اطلاعات محکمہ زراعت فیصل آباد کے ماہرین نے کہا ہے کہ مٹر موسم سرما کی اہم اور مقبول ترین سبزی ہے اور معتدل آب وہوا مٹر کی فصل کیلئے انتہائی اہمیت رکھتی ہے نیزمٹر کی بہترین پیداوار کے حصول کیلئے اگیتی اقسام کا بیج 30سے35کلو گرام جبکہ پچھتی اقسام کا بیج 20سے25کلو گرام فی ایکڑ کے حساب سے استعمال کیا جا سکتا ہے۔
انہوں نے کاشتکاروں کومٹر کی پچھیتی اقسام کی کاشت رواں ماہ اکتوبرمیں شروع کرکے اگلے ماہ نومبر کے پہلے ہفتہ تک مکمل کر نے کا مشورہ دیااور کہا کہ اس سے قبل کاشت کی صورت میں درجہ حرارت زیادہ ہونے کے باعث جہاں اگاؤ متاثر ہو سکتا ہے وہیں فصل پر تیلے، سفید مکھی، امریکن سنڈی کے حملہ کا احتمال بھی زیادہ ہوتاہے۔انہوں نے کہاکہ اس ضمن میں مزید معلومات کیلئے کاشتکار ماہرین زراعت یا محکمہ زراعت کے فیلڈ سٹاف سے بھی مشاورت و رہنمائی حاصل کر سکتے ہیں۔
Short Link: https://urdu.app.com.pk/urdu/?p=507181
