اسلام آباد ۔ 02 نومبر (اے پی پی)معروف سفارتکار اور کثیرالجہتی سفارتکاری کے ماہر منیراکرم نے اقوام متحدہ میں پاکستان کے مستقل مندوب کی حیثیت سے اپنے ذمہ داریاں سنبھال لیں، منیر اکرم ایک روز قبل اسلام آباد سے نیویارک پہنچے ، وہ ڈاکٹر ملیحہ لودھی کی جگہ اقوام متحدہ میں پاکستان کے مستقل مندوب مقرر ہوئے ہیں۔ منیر اکرم نے ماضی میں بھی اقوام متحدہ میں پاکستان کے مندوب کی حیثیت سے ذمہ داریاں نبھائی ہیں، وہ 2002 ءسے 2008ءتک بھی عالمی ادارے میں پاکستان کے مندوب رہے ہیں۔منیر اکرم نے 1967ءنے پاکستان کی فارن سروس میں شمولیت اختیارکی۔ انہوں نے کراچی یونیورسٹی سے پولیٹیکل سائنس میں ماسٹرز کی ڈگری حاصل کی ہے۔ وہ برسلزاورٹوکیو سمیت کئی ممالک میں پاکستان کے سفیر کی حیثیت سے بھی خدمات سرانجام دے چکے ہیں۔
