اسلام آباد۔5جنوری (اے پی پی):اردو کے نامور شاعر رسا چغتائی کی 7 ویں برسی اتوار کو منائی گئی۔وہ 1928 میں سرائے مادھو پور راجستھان میں پیدا ہوئے، ان کا اصل نام مرزا محتشم علی بیگ تھا اور 1950 میں ہجرت کر کے پاکستان منتقل ہو گئے۔ انہوں نے اردو ادب میں نمایاں خدمات انجام دیں۔رسا چغتائی نے مختلف اداروں میں کام کیا اور کراچی میں روزنامہ حریت سے بھی وابستہ رہے۔
رسا چغتائی کو 2001 میں حکومت پاکستان کی طرف سے صدارتی ایوارڈ برائے حسن کارکردگی سے نوازا گیا۔ان کے شعری مجموعات میں زنجیر ہمسائیگی، تصنیف اور تیرے آنے کا انتظار رہا سمیت دیگر کئی شعری مجموعات بھی قارئین اور ادبی حلقوں میں مقبول ہیں۔رسا چغتائی 5 جنوری 2018 کو کراچی میں انتقال کر گئے ۔ان کی برسی کے موقع پر علمی، ادبی حلقوں اور صحافتی تنظیموں کی جانب سے ان کی خدمات کے اعتراف میں انہیں خراج تحسین پیش کیا گیا۔
Short Link: https://urdu.app.com.pk/urdu/?p=542725
