- Advertisement -
لاہور۔21ستمبر (اے پی پی):قوالی کے فن میں منفرد مقام رکھنے والے نامور قوال مقبول احمد صابری کی12 ویں برسی جمعرات کے روز منائی گئی۔دنیا بھر میں قوالی اور دیگر صوفیانہ کلام کی گائیکی کے ذریعے شہرت حاصل کرنے والے صابری برادران کسی تعارف کے محتاج نہیں، 1945 کو بھارت کے علاقے کلیانہ میں پیدا ہونے والے مقبول احمد صابری نے ابتدائی تعلیم اپنے والد عنایت حسین صابری سے حاصل کی اور پھر اپنے بڑے بھائی غلام فرید صابری کے ساتھ قوالی کی شروعات کی اور صابری بردارز کے نام سے شہرت حاصل کی۔
”تاجدار حرم ”اور” بھردو جھولی میری یا محمد” کا شمار ان کی مشہور قوالیوں میں ہوتا ہے، 70 اور 80 کی دہائیوں میں صابری برادرز کو قوالیوں کی وجہ سے بہت پذیرائی ملی۔ 21 ستمبر 2011 کو مقبول احمد صابری دنیا فانی سے کوچ کر گئے۔
- Advertisement -
