اسلام آباد۔25جنوری (اے پی پی):معروف ہدایت کار اور فلم ساز پرویز رانا کی برسی ہفتہ 25 جنوری کو منائی گئی۔پرویز رانا کو مداحوں سے بچھڑے8برس بیت گئے۔ پرویز رانا نے 200 سے زائد فلموں میں ہدایت کاری کے جوہر دکھائے،ان کی فلموں کا میوزک اور ڈائیلاگ بہت مقبول ہوئے تھے۔
ممتاز ڈائریکٹر پرویز رانا 3 اکتوبر 1951 کو فیصل آباد میں پیدا ہوئے ۔ انہوں نے متعدد لازوال فلمیں تخلیق کیں۔پرویز رانا نے اپنے طویل فنی سفر کے دوران بہت سی سپر ہٹ فلمیں بنائیں اور فلم اسٹار شان، ریما سمیت بہت سے فنکاروں کو پنجابی فلموں میں پہلی بار متعارف بھی کرایا۔پرویز رانا نے لالی ووڈ کو چراغ بہادر، چن بلوچ، سوہا جوڑا، طوفان، غنڈا ٹیکس، کنگ میکر، گاڈ فادر، ہمایوں گجر، وحشی گجر اور نصیبو سمیت 200 سے زائد فلمیں دیں۔پرویز رانا 25 جنوری 2017 کو حرکت قلب بند ہونے کی سے انتقال کر گئے تھے۔
ان کی برسی کے موقع پر شو بز انڈسٹری اور فنکار برادری نے پرویز رانا کی خدمات کے اعتراف میں بھر پور انداز میں خراج تحسین پیش کیا۔
Short Link: https://urdu.app.com.pk/urdu/?p=551401
