مغرب نے یوکرین میں تنازعہ کو بڑھایا تو دنیا کو جوہری جنگ کے "حقیقی” خطرے میں ڈال دے گا،روس

ماسکو۔29فروری (اے پی پی):روس کے صدر ولادیمیر پیوٹن نے خبردار کیا ہے کہ اگر مغرب نے یوکرین میں تنازعہ کو بڑھایا تو وہ دنیا کو جوہری جنگ کے "حقیقی” خطرے میں ڈال دے گا۔اے ایف پی کے مطابق ماسکو میں جمعرات کو اپنے سالانہ خطاب میں صدر پیوٹن نے کہا کہ ان کے فوجی یوکرین میں پیش قدمی کر رہے ہیں اور انہوں نے مغرب کو خبردار کیا کہ کسی بھی ایسے ملک کے لیے "افسوسناک نتائج” ہوں گے جو کیف میں فوج بھیجنے کی جرات کرے گا۔

انہوں نے قوم سے اپنے خطاب میں کہا کہ انہوں نے یوکرین میں مغربی فوجی دستے بھیجنے کے امکان کا اعلان کیا ہے لیکن ممکنہ مداخلت کرنے والوں کے نتائج بہت زیادہ المناک ہوں گے۔انہیں آخر کار یہ سمجھ لینا چاہیے کہ ہمارے پاس ایسے ہتھیار بھی ہیں جو ان کی سرزمین پر اہداف کو نشانہ بنا سکتے ہیں۔ مغرب جو کچھ بھی لے کر آ رہا ہے اس سے جوہری ہتھیاروں کے استعمال سے تصادم کا حقیقی خطرہ پیدا ہو رہا ہے۔