مقبوضہ کشمیر : آزادی کے نعروں کی گونج می شہید کم عمر لڑکا جنید احمد سری نگر میں سپردخاک
بھارتی فورسز کا جنازے کے شرکا ءپرطاقت کا وحشیانہ استعمال، متعدد زخمی
سرینگر ۔ 8 اکتوبر (اے پی پی) مقبوضہ کشمیر میں بھارتی فورسز کی پیلٹ فائرنگ سے شہید ہونے والے کم عمر لڑکے جنید احمد کو آزادی کے حق میں اور بھارت کے خلاف نعروں کی گونج میں مزار شہداءسرینگر میں سپرد خاک کر دیا گیا۔ کشمیر میڈیا سروس کے مطابق 12سالہ جنید احمد جمعہ کے روز سرینگر کے علاقے سعدہ پورہ میں پرامن مظاہرین پر بھارتی فورسز کی پیلٹ فائرنگ کے نتیجے میں شدید زخمی ہو ا تھااور وہ ہفتے کی صبح سرینگر کے ایک ہسپتال میں زخموںکی تاب نہ لاتے ہوئے چل بساجس سے جاری انتفادہ کے دوران شہید ہونے والے کشمیریوں کی تعداد بڑھ کر 110ہو گئی۔جنید کی لاش جب ہسپتال سے گھر لائی گئی تو ہزاروں لوگ شہید کے گھر امڈ آئے اور انہوں نے آزادی کے حق میں اوربھارت کے خلاف شدید نعرے لگائے۔
