اسلام آباد ۔ 22 مارچ (اے پی پی) ملائیشیا کے وزیر اعظم ڈاکٹر مہاتیر محمد نے ایوان وزیر اعظم میں پودا لگایا جو علامتی طور پر پاک ملائیشیا گہرے دوستانہ تعلقات کی عکاسی کرتا ہے۔ اس موقع پر وزیر اعظم عمران خان بھی ان کے ہمراہ تھے۔ قبل ازیں ایوان وزیر اعظم میں ملائشیائی وزیر اعظم کے اعزاز میں باضابطہ استقبالیہ تقریب منعقد ہوئی جس کے اختتام پر ملائیشیا کے وزیر اعظم نے اپنے پاکستانی ہم منصب عمران خان کے ہمراہ ایوان وزیر اعظم کے سامنے سبزہ زار میں صنوبر کا پودا لگایا ۔
