کوالالمپور ۔ 03 مارچ (اے پی پی) ملائیشین مارکیٹ میں پام آئل کے نرخوں میں 3 فیصد کمی ہوئی جس کی وجہ بھارت کی جانب سے خام پام آئل کی درآمد پر ٹیکس میں 14 فیصد اضافہ ہے۔برسا ڈیریویٹوز ایکسچینج میں پام آئل کے مئی کے لیے سودے 2.9 فیصد کمی کے ساتھ 2474 رنگٹ (634.03 ڈالر) فی ٹن طے پائے۔ایکسچینج میں پام آئل کی 25 ٹن وزن کی حامل کل 72155 لاٹوں کا کاروبار ہوا۔یاد رہے کی بھارتی حکومت نے ملکی کاشتکاروں کی حوصلہ افزائی کے لیے خام پام آئل کی درآمد پر عائد ٹیکس کی شرح 30 فیصد سے بڑھا کر 44 فیصد کرنے کا اعلان کیا ہے ۔
