ملتان۔ 12 مارچ (اے پی پی):ملتان کی سیشن عدالت نے منشیات مقدمے مجرم کو نو سال قید اور جرمانہ کی سزا سنا دی۔سپیشل سیشن جج ملتان نے ٹرائل مکمل ہونے پر منشیات قدمے کا فیصلہ سنایا۔معزز عدالت نے جرم ثابت ہونے پر مجرم معمر سلیم ولد محمد سلیم کو نو سال قید اور 80ہزار روپے جرمانہ ادا کرنے کا حکم دیتے ہوئے قرار دیا ہے کہ اگر جرمانہ ادا نہ کیا گیا تو مجرم کو مزید تین ماہ قید بھگتنا ہو گی۔
واضح رہے کہ ستمبر 2024ء میں تھانہ ممتاز آباد پولیس نے ملزم معمر سلیم ولد محمد سلیم کو گرفتار کر کے اس کے قبضہ سے ایک کلو گرام سے زائد چرس برآمد کی تھی۔ملزم کے خلاف مقدمہ درج کر کے مزید تفتیش شروع کی گئی۔پولیس نے ملزم کے خلاف ٹھوس شواہد کے ساتھ تفتیش مکمل کر کے چالان عدالت میں پیش کیا۔عدالت نے جرم ثابت ہونے پر مجرم معمر سلیم ولد محمد سلیم کو نو سال قید اور 80 ہزار روپے جرمانہ کی سزا سنائی۔
Short Link: https://urdu.app.com.pk/urdu/?p=571659
