ملک بھر میں ایک ہفتے کے دوران کورونا وائرس کے 76کیس رپورٹ ہوئے ،قومی ادارہ صحت

اسلام آباد۔29اگست (اے پی پی):ملک بھر میں ایک ہفتے کے دوران کورونا وائرس کے 76کیس رپورٹ ہوئے ہیں جبکہ 2مریضوں کی حالت تشویش ناک ہے۔

منگل کوقومی ادارہ صحت (این آئی ایچ)کی جانب سے جاری اعدادوشمار کے مطابق ملک بھر میں21 سے 27 اگست کے دوران کورونا وائرس کے9ہزار318ٹیسٹ کئے گئے جن میں سے76ٹیسٹ مثبت آئے اور مثبت کیسز کی شرح 0.82فیصد ریکارڈ کی گئی جبکہ 2 مریضوں کی حالت تشویش ناک ہے ۔مزید برآں اس عرصہ کے دوران کورونا وائرس سے کوئی مریض جاں بحق نہیں ہوا۔

Short Link: https://urdu.app.com.pk/urdu/?p=383820