اسلام آباد۔10جنوری (اے پی پی):ملک بھر میں 24 گھنٹوں کے دوران کورونا وائرس کے 7کیس رپورٹ ہوئے ۔منگل کوقومی ادارہ صحت ( این آئی ایچ)کی جانب سے جاری اعدادوشمار کے مطابق ملک بھر میں 24 گھنٹوں کے دوران 2ہزار472 کورونا ٹیسٹ کیے گئے جن میں سے 7 افراد کے ٹیسٹ مثبت آئے، اس طرح اس مدت میں کورونا ٹیسٹ کی مثبت شرح 0.28 فیصد رہی ہے۔
مزید برآں اس دوران کورونا وائرس سے کوئی مریض جاں بحق نہیں ہوا جبکہ 17 افراد کی حالت تشویشناک ہے ۔ملک بھر کے مختلف شہروں میں24گھنٹوں کے دوران کیے گئے ٹیسٹوں میں سے پشاور میں 151 ٹیسٹ کیے گئے جن میں سے 3 ٹیسٹ مثبت آئے اورشرح 1.99فیصد رہی جبکہ لاہور میں384 ٹیسٹ کئے گئےجن میں سے 3مثبت آئے اور وہاں پر مثبت کیسز کی شرح 0.78فیصد رہی۔
