اسلام آباد۔6نومبر (اے پی پی):نیشنل انسٹیٹیوٹ آف ہیلتھ ( این آئی ایچ) نے کہا ہے کہ ملک بھر میں گزشتہ 24 گھنٹوں کے دوران 7 ہزار 182 کورونا ٹیسٹ کیے گئے ہیں۔
اتوار کو این آئی ایچ کی جانب سے جاری اعدادوشمار کے مطابق گزشتہ 24 گھنٹوں کے دوران 7 ہزار 182 کورونا ٹیسٹ کیے گئے جن میں سے 38 افراد کے کورونا ٹیسٹ مثبت آئے ہیں۔
اس طرح اس مدت میں مثبت کورونا ٹیسٹ کی شرح 0.53 فیصد رہی ہے۔ مزید برآں اس دوران کورونا وائرس سے کوئی بھی مریض جاں بحق نہیں ہوا جبکہ 47 مریضوں کی حالت تشویشناک ہے۔
