ملک میں بڑھتی ہوئی دہشت گردی پر متعلقہ ادارے ایوان بالا کو ان کیمرہ بریفنگ دیں، سینیٹر شیری رحمٰن

اسلام آباد۔6مارچ (اے پی پی):پاکستان پیپلز پارٹی کی نائب صدر و سینیٹر شیری رحمٰن نے کہا ہے کہ ملک میں بڑھتی ہوئی دہشت گردی پر متعلقہ ادارے ایوان بالا کو ان کیمرہ بریفنگ دیں، دہشت گردی کی روک تھام کے لیے دعا کے ساتھ دوا بھی ضروری ہے۔

سینیٹ اجلاس میں اظہار خیال کرتے ہوئے سینیٹر شیری رحمٰن نے کہا کہ میری ہائوس سے گزارش ہے کہ تشویشناک صورتحال پر سیر حاصل گفتگو ہونی چاہیے، ملک بھر میں دہشت گردی مسلسل بڑھ رہی ہے، بنوں واقعے میں بہت سی قیمتی جانیں چلی گئیں۔

انہوں نے کہا کہ پاکستان نے دہشت گردی کے خلاف طویل جنگ لڑی ہے، پاکستان نے دہشت گردی کے خلاف جنگ میں 80 ہزار سے زائد جانیں قربان کیں، گلوبل انڈیکس میں دہشت گردی سے متاثرہ ممالک میں پاکستان کا دوسرا نمبر ہے۔

Short Link: https://urdu.app.com.pk/urdu/?p=569521