ملک میں عام انتخابات کے موقع پر 55 شکایات موصول ہو چکی ہیں ،45 کو حل کر لیا گیا ،انچارج مانیٹرنگ کنٹرول سینٹر اسلام آباد

اسلام آباد۔8فروری (اے پی پی):انچارج مانیٹرنگ کنٹرول سینٹر اسلام آباد ہارون شنواری نے کہا ہے کہ ملک میں عام انتخابات کے موقع پر اب تک 55 شکایات موصول ہو چکی ہیں جن میں سے 45 کو حل کر لیا گیا ہے جبکہ 10 پر کام جاری ہے ۔

اپنے ایک بیان میں انچارج مانیٹرنگ کنٹرول سینٹر اسلام آباد نے کہا کہ موصولہ شکایات عام نوعیت کی ہیں جن میں سے زیادہ تر سیاسی کارکنوں کی آپس میں گرما گرمی، لڑائی جھگڑے کی تھیں ، جن پر موقع پر قابو پاکرپولنگ جاری کرا دی گئی ۔ انہو ں نے کہاکہ اس وقت ملک بھر میں تمام پولنگ اسٹیشنز پر پولنگ کا عمل بلا تعطل جاری ہے ۔