اسلام آباد۔2مارچ (اے پی پی):ملک کے بالائی علاقوں میں تیز ہواؤں اورگرج چمک کے ساتھ چند مقامات پر بارش کا امکان ہے۔ محکمہ موسمیات کے مطابق آج جمعہ کے روز ملک کے بیشترعلا قوں میں موسم خشک رہے گا تا ہم شمالی بلوچستان میں چند مقامات پر تیز ہواؤں اورگرج چمک کے ساتھ بارش کا امکان ہے۔ گذشتہ 24 گھنٹے کے دوران ملک کے بیشترعلا قوں میں مطلع ابر آلود رہا تاہم خیبر پختونخوا، بلوچستان، کشمیر، بالائی/وسطی پنجاب اور گلگت بلتستان میں تیز ہواؤں اورگرج چمک کے ساتھ بارش ہوئی ۔
سب سے زیادہ بارش خیبرپختونخوا میں پٹن 46، مالم جبہ 20، دروش 17، کالام 14، بالاکوٹ 11، کاکول 09، پاراچنار 07، بنوں 05، دیر (زیریں 04 ، بالائی 03)، سیدو شریف 04، چراٹ، مردان، میر کھانی 02، باچا خان ایئرپورٹ 01، کشمیر میں گڑھی دوپٹہ 10، مظفرآباد (ایئرپورٹ 07، سٹی 05)، راولاکوٹ 03، بلوچستان میں قلات 09، ژوب 08، بارکھان، سبی 05، دالبندین 02، نوکنڈی، کوئٹہ 01، مری 09، پنجاب میں لیہ 04، اٹک، کوٹ ادو 02، منگلا 03، چکوال، جوہرآباد 01، گلگت بلتستان میں استور، بگروٹ 08، گلگت 02 اور سکردومیں01ملی میٹر بارش ریکارڈ کی گئی۔ اس دوران ملک میں کم سے کم درجہ حرارت لہہ منفی 07، کالام منفی03، گوپس ، استور منفی 01، مالم جبہ اور اسکردو میں 00ڈگری سینٹی گریڈ ریکارڈ کیا گیا۔
