ملک کے بیشترعلاقوں میں موسم خشک رہے گا، محکمہ موسمیات

اسلام آباد۔21اکتوبر (اے پی پی):آئندہ 24 گھنٹوں کے دوران ملک کے بیشترعلاقوں میں موسم خشک جبکہ میدانی علاقوں میں گرم رہنے جبکہ رات کے اوقات میں مشرقی سندھ، بالائی خیبرپختونخوا میں مطلع ابرآلود رہنے کے علاوہ چند مقامات پر تیز ہواؤں اور گرج چمک کے ساتھ بارش کا امکان ہے ۔

محکمہ موسمیات کے مطابق گذشتہ 24 گھنٹوں کے دوران ملک کے بیشترعلاقوں میں موسم گرم اور خشک رہا تاہم مشرقی سندھ میں چند مقامات پر گرج چمک کے ساتھ بارش ہوئی۔سب سے زیادہ بارش مٹھی میں 15 ملی میٹر بارش ریکارڈ کی گئی۔پیر کو زیادہ سے زیادہ درجہ حرارت ٹنڈو جام، تربت، لسبیلہ، شہید بینظیرآباداور حیدرآباد میں 39 ڈگری سنٹی گریڈ ریکارڈ کیا گیا۔