ملک کے بیشتر علاقوں میں موسم خشک اور میدانی علاقوں میں گرم رہنے کا امکان

اسلام آباد۔1اپریل (اے پی پی):آئندہ چوبیس گھنٹوں کے دوران ملک کے بیشتر علاقوں میں موسم خشک اور میدانی علاقوں میں گرم رہنے کا امکان ہے تاہم شام/ رات میں شمالی بلوچستان اور خیبر پختونخوا کے مغربی اضلاع میں تیز ہواؤں اور گرج چمک کے ساتھ چند مقامات پر بارش کی توقع ہے۔

محکمہ موسمیات کی رپورٹ کے مطابق گذشتہ 24 گھنٹوں کے دوران ملک کے بیشتر علاقوں میں مو سم خشک اور میدانی علاقوں میں گرم رہا۔منگل کو ریکارڈ کئے گئے زیادہ سےزیادہ درجہ حرارت کے اعدادوشمار کے مطابق جیکب آباد، چھور، شہید بینظیر آباد، مِٹھی میں درجہ حرارت 41، لسبیلہ، ٹھٹھہ، تربت اور ٹنڈو جام میں 40 ڈگری سینٹی گریڈ رکارڈ کیا گیا ہے۔

Short Link: https://urdu.app.com.pk/urdu/?p=577815