ملک کے بیشتر علاقوں میں موسم گرم اورخشک رہنے کا امکان ہے ، محکمہ موسمیات

اسلام آباد۔7اپریل (اے پی پی):آئندہ 24 گھنٹوں کے دوران ملک کے بیشتر علاقوں میں موسم گرم اورخشک رہنے کا امکان ہےتاہم (شام/رات ) خیبرپختونخوا، بالائی پنجاب، اسلام آباد، شمال مشرقی بلوچستان، کشمیر اور گلگت بلتستان میں مطلع جزوی ابراالود رہنے کے علاوہ تیز ہوائوں/آندھی اور گرج چمک کے ساتھ چند مقامات پر بارش کا امکان ہے،اس دوران جنوبی خیبر پختونخوا اور خطہ پوٹھوہار میں چند مقامات پرژالہ باری بھی ہو سکتی ہے۔

محکمہ موسمیات کے مطابق کل منگل /بدھ صوبہ سندھ ، جنوبی /وسطی پنجاب اور بلوچستان کے کچھ حصوں میں درجہ حرارت معمول سے04 سے07 ڈگری سینٹی گریڈ زیادہ رہنے کا امکان ہے۔ گذشتہ 24 گھنٹوں کے دوران ملک کے بیشتر علاقوں میں مو سم خشک جبکہ میدانی علاقوں میں شدیدگرم رہا۔پیر کو ریکارڈکئے گئے زیادہ سےزیادہ درجہ حرارت دادو، مو ہنجو داڑو، شہید بینظیر آباد، پڈ عیدن 47، خیرپور، روہڑی، لاڑکانہ 46، رحیم یار خان، سکرنڈ، جیکب آباد، مٹھی اورسکھر میں 45 ڈگری سینٹی گریڈ ریکارڈ کیا گیا۔

Short Link: https://urdu.app.com.pk/urdu/?p=579180