اسلام آباد۔17اکتوبر (اے پی پی):ملک کے شمالی علاقوں میں سیمنٹ کی ریٹل قیمت میں گزشتہ ہفتے کے دوران ہفتہ وار بنیادوں پر 0.23 فیصد کی کمی جبکہ جنوبی علاقوں میں 0.3 فیصد کا اضافہ ریکارڈ کیا گیا۔
پاکستان بیورو برائے شماریات کے اعدادوشمار کے مطابق 13 اکتوبر کو ختم ہونے والے ہفتے میں ملک کے شمالی علاقوں میں سیمنٹ کی فی بوری اوسط قیمت 1018 روپے ریکارڈ کی گئی ہے جو پیوسطہ ہفتے میں 1020 روپے فی بوری تھی۔ اسی طرح جنوبی علاقوں میں فی بوری سیمنٹ کی اوسط قیمت 1047 روپے ریکارڈ کی گئی جو پیوسطہ ہفتے کے مقابلے میں 0.3 فیصد زیادہ ہے۔ 6 اکتوبر کو ختم ہونے والے ہفتے کے دوران ملک کے جنوبی علاقوں میں سیمنٹ کی فی بوری اوسط قیمت 1044 روپے ریکارڈ کی گئی تھی۔
اعدادوشمار کے مطابق گزشتہ ہفتے کے دوران اسلام آباد میں سیمنٹ کی فی بوری اوسط قیمت 992 روپے ، راولپنڈی 989 ، گوجرانوالہ 1040 ، سیالکوٹ 1030، لاہور 1051، فیصل آباد 1000، سرگودھا 1110، ملتان 1034 ، بہاولپور 1060، پشاور 1000 اور بنوں میں سیمنٹ کی فی بوری اوسط قیمت 990 روپے ریکارڈ کی گئی ہے۔ کراچی میں سیمنٹ کی فی بوری کی اوسط قیمت 982 ، حیدر آباد 1000، سکھر 1135 ، لاڑکانہ 1100 ، کوئٹہ 1040 اور خضدار میں سیمنٹ کی فی بوری اوسط قیمت 1027 روپے ریکارڈ کی گئی۔
