اسلام آباد۔15جولائی (اے پی پی):ملک کے مختلف علاقوں میں مون سون کی مزید بارش کا امکان ہے، حیدر آباد، ٹھٹھہ، بدین، دادو، شہید بینظیر آباد، سکھر، لاڑکانہ ، جیکب آباد ، ملتان،بہاولپور،بہاولنگر،پاکپتن،وہاڑی،ساہیوال اور خانیوال میں نشیبی علاقے زیر آب آنے جبکہ ڈیرہ غازی خان اور بلوچستان کے مقامی اور برساتی ندی نالوں میں طغیانی کا خدشہ ہے ۔
محکمہ موسمیات کے مطابق (آج ) ہفتہ کو سندھ،بلوچستان، جنوبی پنجاب میں اکثر مقامات پر گرج چمک کے ساتھ بارش (کہیں کہیں موسلادھار بارش )جبکہ شمال مشرقی پنجاب، بالائی خیبرپختونخوا،کشمیر اورگلگت بلتستان میں چند مقامات پر تیز ہواؤں کے ساتھ مزید بارش کا امکان ہے۔
گذشتہ 24 گھنٹوں کے دوران سندھ، پنجاب،بلوچستان، بالائی خیبرپختونخوا، کشمیر اورگلگت بلتستان میں تیزہواؤں کے ساتھ بارش جبکہ چند مقامات پر موسلادھاربارش ہوئی۔سب سے زیادہ بارش بلوچستان میں سبی 91، لسبیلہ 15، ژوب 07، خضدار 05، اورماڑہ 02، سندھ میں پڈعیدن 80، سکرنڈ 72، شہید بینظیر آباد 62، جیکب آباد 24، روہڑی 17، بدین 12، کراچی(سرجانی ٹاؤن08،نارتھ کراچی07،گلشنِ حدید06،اورنگی ٹاؤن04،ناظم آباد،مسرور بیس01)،ٹنڈوجام، ٹھٹھہ، سکھر، حیدرآباد 06، چھور، لاڑکانہ 03، موہنجوداڑو 02، خیرپور، میرپورخاص 01، پنجاب میں قصور 47، خانپور 46، لاہور (تاج پورہ 28، سمن آباد 20، نشتر ٹاؤن، اپر مال 19، اقبال ٹاؤن، لکشمی چوک 18، گلشن راوی 16، ایئرپورٹ، مغل پورہ، جوہر ٹاؤن 13، چوک ناخدا 12، واسا آفس، سٹی 10، فرخ آباد،شاہی قلعہ09)، نارووال 19، سرگودھا، بہاولنگر 14، رحیم یار خان 07، سیالکوٹ (سٹی 06، ایئرپورٹ 02)، گجرات 06، ڈی جی خان 03، بہاولپور، اٹک ،مری02، منگلا 01، خیبر پختونخوا میں پاراچنار 35، دیر26، مالم جبہ 24، کاکول 23، بالاکوٹ 15، کالام 08، دروش 04، میرکھانی 03، چترال 01، کشمیر میں راولاکوٹ07، گلگت بلتستان میں بگروٹ، گوپس 05، بابوسر 03 اور ہنزہ میں 01ملی میٹر بارش ریکارڈ کی گئی۔
اس دوران ملک میں زیادہ سےزیادہ درجہ حرارت نوکنڈی43، دالبندین،تربت اورچلاس میں 40 ڈگری سینٹی گریڈ ریکارڈ کیا گیا۔
