نئی دہلی۔10مارچ (اے پی پی):بورڈ آف کنٹرول فار کرکٹ ان انڈیا(بی سی سی آئی )کے زیر اہتمام ویمنز پریمیئر لیگ (ڈبلیو پی ایل ) کا تیسرا ایڈیشن بھارت میں جاری ہے ،جس میں شائقین کرکٹ کو انتہائی دلچسپ اور کانٹے دار مقابلے دیکھنے کو مل رہے ہیں ۔
ویمنز پریمیئر لیگ میں کل (منگل کو )مزید ایک میچ کھیلا جائے گا جس میں دفاعی چیمپئن رائل چیلنجرز بنگلور و اور ممبئی انڈینز کی خواتین ٹیمیں بریبورن سٹیڈیم، ممبئی کے مقام پر آمنے سامنے ہوں گی۔ دفاعی چیمپئن رائل چیلنجرز بنگلور و کی ویمنز ٹیم کو مایہ ناز بلے بازسمرتی مندھانالیڈ کریں گی جبکہ ممبئی انڈینز کی ویمنز ٹیم کی قیادت مایہ ناز آل رائونڈر ہرمن پریت کور کریں گی۔
ویمنز پریمیئر لیگ میں 5 ٹیمیں ٹائٹل کے حصول کے لئے ایکشن میں نظر آئیں گی۔رائل چیلنجرز بنگلور کی ویمنز ٹیم لیگ میں ٹائٹل کے دفاع کے لئے کوشاں ہیں تاہم وہ ناک آئوٹ مرحلے کے لئے کوالیفائی نہیں کر پائی ہے۔ ویمنز پریمیئر لیگ خواتین کا ایک پیشہ ورانہ ٹی ٹونٹی ڈومیسٹک کرکٹ ٹورنامنٹ ہے جس میں 5 ٹیمیں ٹائٹل کے حصول کے لئے کوشاں ہوں گی جن میں دہلی کیپٹلز،گجرات جائنٹس،ممبئی انڈینز،دفاعی چیمپئن رائل چیلنجرز بنگلور اور یوپی واریرزشامل ہیں۔ٹورنامنٹ ڈبل رائونڈ روبن اور پلے آف سسٹم پر کھیلا جا رہا ہے ۔
ٹورنامنٹ میں فائنل سمیت کل 22میچز کھیلے جائیں گے۔ٹورنامنٹ کا فائنل میچ 15مارچ 2025 کوممبئی میں کھیلا جائے گا۔\
Short Link: https://urdu.app.com.pk/urdu/?p=570669
کھیلا جائے گا){kind=link}