نئی دہلی۔12مارچ (اے پی پی):بورڈ آف کنٹرول فار کرکٹ ان انڈیا(بی سی سی آئی )کے زیر اہتمام ویمنز پریمیئر لیگ (ڈبلیو پی ایل ) کا تیسرا ایڈیشن بھارت میں جاری ہے ،جو اپنے اختتامی مرحلے کی طرف گامزن ہے۔ٹی ٹونٹی لیگ میں شائقین کرکٹ کو انتہائی دلچسپ اور کانٹے دار مقابلے دیکھنے کو مل رہے ہیں ۔ ویمنز پریمیئر لیگ میں کل (جمعرات کو )فائنل میچ سے قبل ایلیمینیٹر میچ کھیلا جائے گا جس میں گجرات جائنٹس اور ممبئی انڈینز کی خواتین ٹیمیں بریبورن سٹیڈیم، ممبئی کے مقام پر آمنے سامنے ہوں گی۔
یہ میچ انتہائی اہم ہے جو ٹیم جیتے گی وہ 15 مارچ کو ویمنز پریمیئر لیگ کے فائنل میچ میں دہلی کیپٹلز سے ٹکرائے گی۔ دہلی کیپٹلز کی ٹیم پہلے ہی فائنل میں پہنچ چکی ہے۔ گجرات جائنٹس کی ویمنز ٹیم کو مایہ ناز بلے بازایشلی گارڈنر لیڈ کریں گی جبکہ ممبئی انڈینز کی ویمنز ٹیم کی قیادت مایہ ناز آل رائونڈر ہرمن پریت کور کریں گی۔ ویمنز پریمیئر لیگ میں 5 ٹیمیں ٹائٹل کے حصول کے لئے ایکشن میں تھیں جن میں رائل چیلنجرز بنگلور کی ویمنز ٹیم لیگ میں ٹائٹل کے دفاع کے لئے کوشاں تھی جو فائنل کے لئے کوالیفائی نہیں کرپائی ہے۔
ویمنز پریمیئر لیگ خواتین کا ایک پیشہ ورانہ ٹی ٹونٹی ڈومیسٹک کرکٹ ٹورنامنٹ ہے جس میں شامل 5 ٹیموں میں دہلی کیپٹلز،گجرات جائنٹس،ممبئی انڈینز،دفاعی چیمپئن رائل چیلنجرز بنگلور اور یوپی واریرزتھی ۔ٹورنامنٹ ڈبل رائونڈ روبن اور پلے آف سسٹم پر کھیلا جا رہا ہے ۔ ٹورنامنٹ میں فائنل سمیت کل 22میچز کھیلے جائیں گے۔ٹورنامنٹ کا فائنل میچ 15مارچ 2025 کوممبئی میں کھیلا جائے گا۔
Short Link: https://urdu.app.com.pk/urdu/?p=571360
کھیلا جائے گا){kind=link}