منیر اکرم کی ایشیا کپ میں بھارت کے خلاف پاکستان کی شاندار کامیابی پر مبارکباد

نیویارک۔5ستمبر (اے پی پی):اقوام متحدہ میں پاکستان کے مستقل مندوب منیر اکرم نے یو اے ای میں جاری ایشیا کپ ٹی20کرکٹ ٹورنامنٹ کے سپر فور مرحلہ کے میچ میں بھارت کے خلاف پاکستان کی شاندار کامیابی پر مبارکباد دی ہے۔ انہوں نے کہا کہ پاکستان نے اچھا کھیل پیش کیا اور شاندار کامیابی حاصل کی ہے۔ واضح رہے کہ پاکستانی نژاد امریکی شہریوں نے ٹیلی ویژن پر میچ کی آخری گیند تک کھیل دیکھا جبکہ بڑی تعداد نے امریکا میں پاکستانی ریسٹورنٹس میں بڑی سکرینز پر میچ دیکھا اور پاکستان کی کامیابی پر پاکستان زندہ باد کے نعرے لگائے۔

Short Link: https://urdu.app.com.pk/urdu/?p=325499