اسلام آباد ۔ 23 دسمبر (اے پی پی) چیئرمین نیب جسٹس جاوید اقبال نے کہا ہے کہ بدعنوانی سے لوٹی گئی اور منی لانڈرنگ سے بیرون ملک بھیجی گئی رقوم کو قانون کے مطابق دنیا کے کونے کونے سے پاکستان واپس لایا جائے گا ۔ بدعنوانی دیمک سے بڑھ کرناسورکی صورت اختیار کر چکی ہے جس کو جڑ سے اکھاڑ پھینکنا انتہائی ضروری ہے ۔ گیلپ اور گیلانی سروے کی حالیہ رپورٹ کے مطابق 59فیصد لو گ نیب پر اعتماد کرتے ہیں جبکہ عالمی اقتصادی فورم کے کرپشن پرسیپشن انڈیکس میںپاکستان 107ویں نمبر پر آگیاہے۔اتوار کو اپنے ایک بیان میں انہوں نے کہا کہ ہم میں سے ہر شخص بدعنوانی کاخاتمہ چاہتا ہے مگربدعنوانی کا واحدحل خود احتسابی ہے اگر ہم خود احتسابی پر عمل کرتے ہوئے بدعنوانی،اقربا پروری اور رشوت ستانی سے گریز کریں گے تو اس سے نہ صرف پاکستان میں بدعنوانی میں کمی واقع ہو گی بلکہ کرپشن فری پاکستان کا خواب شرمندہ تعبیر کرنے میں مددملے گی ۔ انہوں نے کہا کہ منی لانڈرنگ کی روک تھام کیلئے اقدامات کئے جا رہے ہیں۔ بدعنوانی سے لوٹی گئی اور منی لانڈرنگ سے بیرون ملک بھیجی گئی رقوم کو قانون کے مطابق دنیا کے کونے کونے سے پاکستان واپس لایا جائے گا۔انہوں نے کہا کہ نیب نے قانو ن اور ضابطہ کے تحت اپنے کام کرنے کے طریقہ کار میںموئثر انٹی کرپشن حکمت عملی کے تحت بہتری لائی ہے وہاں شکایات کی تصدیق سے انکوائری اور انکوائری سے لے کر انویسٹی گیشن اوراحتساب عدا لت میںقانون کے مطابق ریفرنس دائر کرنے کے لئے 10 ماہ کا عرصہ مقرر کیا ہے ۔ تمام میگا کرپشن کی شکاےات کی جانچ پڑتال ، انکوائرےاں اور انویسٹی گیشز کو ٹھوس شواہداور قانون کے مطابق منطقی انجام تک پہنچاےا جائے گا۔ انہوں نے کہا کہ میگا کرپشن کے مقدمات کو منطقی انجام تک پہنچانا نیب کی اولین ترجیح ہے ۔ نیب نے 179میگا کرپشن کے مقدمات میں سے105مقدمات کو منطقی انجام تک پہنچاتے ہوئے بد عنوانی کے ریفرنس احتساب عدالتوں میں دائر کر دیے ہیں۔ نیب وائٹ کالر میگا کرپشن کے مقدمات کی تحقیقات مکمل شواہد،دستاویزی ثبوت اور قانون کے مطابق سائنسی بنیادوں پر کرنے پر یقین رکھتا ہے ۔ نیب کے احتساب عدالتوں میں اس وقت 1210بدعنوانی کے ریفرنس زیر سماعت ہیں جن کی مالیت تقریباً 900ارب روپے ہے ۔انہوں نے کہا کہ نیب نے بد عنوان عناصر سے قوم کی لوٹی گئی 297ارب روپے کی رقم برآمد کر کے قومی خزانے میں جمع کرائی ہے جو ایک ریکارڈ کامیابی ہے ۔بدعنوانی ملکی ترقی اور اقتصادی خوشحالی کی راہ میں بڑی رکاوٹ ہے ۔نیب نے بزنس کمیونٹی کے مسائل کے حل کے لیے الگ سیل قائم کیا ہے۔ انہوں نے کہا کہ جعلی ہا¶سنگ سوسائٹیز،کوآپریٹو سوسائٹیوں کے خلاف نیب کی تحقیقات کو قانون کے مطابقمنطقی انجام تک پہنچاےا جائے گا۔ نیب نے مفتی احسان مضاربہ مقدمہ معزز احتساب عدالت اسلام آباد میں دائر کیا تھا۔معززاحتساب عدالت نے مفتی احسان کومضاربہ کیس میں 10سال کی قیداور9ارب روپے جرمانہ کی سزا سنائی اور بہترین پراسیکیوشن کی وجہ سے نیب کا سب سے بڑا مقدمہ جیتا۔ نیب مضاربہ/ مشارکہ سیکنڈلز میں ملوث 34ملزمان کی گرفتاری کے علاوہ بیرون ملک فرار مضاربہ/ مشارکہ سیکنڈلز میں ملوث دیگر ملزمان کو انٹر پول کے زریعے واپس لانے کی بھرپور کاوشیں کررہا ہے۔
