موبائل فو ن سروس میں خلل کیخلاف درخواست پر رپورٹ طلب

لاہور۔9مئی (اے پی پی):لاہور ہائیکورٹ نے موبائل فونز کے سگنلز کی سروس میں خلل کیخلاف درخواست پر متعلقہ حکام سے رپورٹ طلب کرلی ۔جسٹس حسن نواز مخدوم نے اظہر صدیق ایڈووکیٹ کے توسط سے دائر درخواست پر جمعہ کو سماعت کی۔وکیل پی ٹی اے کا موقف تھا کہ درخواست پر طویل عرصے کے بعد سماعت ہوئی۔ وکیل درخواست گزار نے کہا کہ پہلے موبائل فونز سگنلز کا مسئلہ حل ہوگیا تھااب دوبارہ سے موبائل فونز کے سگنلز کا مسئلہ ہو رہا ہے جس پر عدالت نے متعلقہ حکام سے تازہ ترین رپورٹ طلب کرلی ۔

Short Link: https://urdu.app.com.pk/urdu/?p=594786